فته الشاورمه
المقادير بقى :
كيلو لحمة متقطع تقطيعة الشورما و يا سلام لو متقطع رفيع و معاة نسبة دهن 👍👍
معلقة صغيرة لكل من :
بصل بودر + ثوم بودر + كمون +جوزة الطيب " اختيارى " +قرفة خفيف اوى +بهارات مشكلة( يعنى بهارات شاورمة تنفع أو بهارات لحمة تنفع أو السبع بهارات تنفع كلوا ينفع بس متزوديش اوى ) +ملح+فلفل + بابريكا ..
3 معالق خل ابيض كبار. .
نص حزمة كرفس أخضر. ..
طمطماية كبيرة متقطعة مكعبات صغيرة. .
بصلاية كبيرة متقطعة شرايح. ..
معلقتين كبار بقدونس مفروم. .... و بس
لو عوزة شاورما فراخ هيبقى نفس المقادير بالظبط بس زودى عليها معلقة كبيرة زبادى و معلقة صغيرة كزبرة ناشفة
حطى كل التوابل و الخل و الكرفس الأخضر في الخلاط و اضربيهم
مبعد كده حطيها علي اللحمه وسيبيها في التلاجه ساعه علي الاقل
فى طاسة سخنة على النار فيها معلقة زيت كبيرة و نزلى الشورما
لما الشورمة تشرب ميتها خالص و تتشوح كويس حطى عليها الطماطم و البصل و قلبيهم علشان يدبلوا معاها و آخر حاجة البقدونس و تقليبة و خلاص خلصت الشاورما
عادى جداا رز بسمتى و الكباية الواحدة منة بتاخد كوبيتين من الشوربة و حطيت معاة ملح و فلفل و معلقة صغيرة كارى و معلقة صغيرة كركم
وبعد كده قطعي العيش صغير جدا
و شوحى العيش فى معلقة زبدة أو زيت أو ممكن تحمصية شوية فى الفرن 😉😄😄 و خلاص بقى جاهز
انا بقى بعمل ثومية على طريقتى. .. هى عبارة عن برطمان من المايونيز و 8 فصوص ثوم مسلوق و مهروس . و واحدة زبادى اسلوقى الثوم فى شوية مية علشان يطرى خالص
اهرسى الثوم بالشوكة كويس بعد ما اتسلق
حطى المايونيز و علبة زبادى و الثوم المسلوق المهروس و ملح و فلفل و ثوم بودر خفيف و ليمونة 🍋 و قلبيهم فى بعض كويس اوى و خلاص
هاتى بقى طبق التقديم حطى الرز و حولية شوية من العيش المحمص و فوقية كمان
وعليهم الشاورمه وفوقيهم التوميه وكده خلاص
Post a Comment