الاسبونش كيك او الكيكه الاسفنجيه
المكونات
8 بيضه
كوب سكر خشن
معلقة فانيليا
كوب ونصف دقيق
معلقة كبيرةبيكنج بودر
معلقه صغيره محسن كيك وممكن الاستغناء عنها
الطريقه
بنضرب فى الخلاط او المضرب الكهربائى البيض مع السكر مع الفانيليا لحد مايرتفع معانا
بعد كده بننزل بالدقيق والبيكنج بودر مع الضرب المستمر بالمضرب الكهربائى والاهم هنا انى مرفعش المضرب خالص من العجينه عشان ميدخلش جواها هوا ده مهم جدا ياريت ناخد بالنا منه بعد كده بجهز الفورمه او الصينيه مدهونه زيت او مفروشه ورق زبده وبصب الخليط فيها وبندخلها الفرن على درجه حراره 180 ومفتحش الفرن الا بعد مرور ربع ساعه من دخولها الفرن وبعد كده بشوف استوت ولا لا وهى مش هتقعد فى الفرن اكتر من 20 دقيقه وبعد كده بخرجها وبسيبها تبرد وبعدين بنشكل منها احلى تورت انتوا بتحبوها
Post a Comment