البقدونس
انا بخزنها فى الفريزر بس للعلم دى متنفعش الا مع اكلات معينة مش محتاجة البقدونس تبقى طازة
زى مثلا خلطة المحشى
بجيب البقدونس وهى حلوة ورخيصة بكمية
واغسلها كويس جدا واسيبها تتصفى ف مصفاة
بعدين انشرها فى الهوا عشان تنشف تماما او لو مستعجلة على جزء معين انشفه بفوطة
بعدين ابتدى أفرمها جزء جزء فرم ناعم
وأعبيها فى أكياس بلاستيك انا بفضل الكيس اللى بسوستة عشان افردها فيه ويكون فتح الكيس وقفله سهل مع الاستخدام
بعد ما املى الكيس
افردها فيه وتبقى زى طبقة سمكها معقول
عشان لما تحطيها وتتكعبل وتبقى زى الكورة لما تطلعيها من الفريرز متعرفيش تاخدى منها الحتة اللى محتجاها وهى ناشفة
وهتضطرى تسيبيها تفك شوية وده مش حلو ابدا
لما تفرديها كده تقدرى وهى متجمدة تقطعى منها الجزء اللى محتاجاه براحتك
Post a Comment